Diahuebs mainta Cuerpo di Bombero ta haya un melding cu lo tin un cas na Piedra Plat cu hopi huma ta saliendo for di e cas. Di biaha un truck di brandweer ta sali y ta informa polis tambe di e caso. Na yegada di brandweer y polis di berdad por a mira hopi huma saliendo for di e cas. E cas tawata full cera y no a keda nada otro pa kibra e porta y drenta paden.
Despues di controla no a haya niun hende paden y a constata tambe cu e hero di strica a keda sendi y esaki a causa hopi huma pero door di accion liher di brandweer y polis a preveni e cas pega candela. Elmar tambe a presenta pa controla un ke otro.
