Mundo ta birando moderno hopi hende ta usando menos papel y ta bayendo digital, pero aki na Biblioteca Nacional nos parti di copy center ta keda hopi bishita serca personanan. Sra Astrid Britten como directora a comenta cu den temporada di belasting hopi hende ta presenta pa haci copia. Te hasta pa proyectonan di scol hendenan ta bin haci uso di e facilidad di loke e copy center ta ofrece.
Buki ta keda existi kisas den un otro forma, pero e parti digital nos tin cu wak e cu ta complimenta otro cu no ta algo esei ta bay bin na luga di buki, porta e ta bay bira menos pero tog e buki lo keda hunga un rol importante den nos bida. Pronto nos ta bay den e seccion di E-Books. Unda pa fin di aña nos ta participa na un proyecto cu a logra di haya poco fondo y cu esaki bo ta drenta den e era y posibilidad di hendenan cu kier mira un buki for di nan aparato digital bo mester por ofrece esaki tambe.
Pero tog bo ta haya hende cu kier keda cana cu nan buki. E ta keda na e escogencia di e hende y e parti digital ta bira importante pa nos, y awor aki hopi parti di nos coleccion di departamento Arubiana nos a cuminsa digitalisa varios documento y ta mantene e partici fisico di un buki y e parti digital, asina Sra Astrid Britten a comenta den un entrevista.