Patruya a bay controla e beachnan durante e pasada di horcan Matthew diahuebs. A controla na altura di Arashi, 3 trapi, LG Smith Boulevard, JE Irausquin Boulevard te cu Bushiri. Remarcabel tabata cu tabata tin hopi auto riba caya y por a constata cu for di algun cas riba LG Smith Blvd te cu Malmokweg, no tabata tin coriente. E casnan tabata completamente scur. Patruya a controla den vecindario, pero no a topa cu nada particular. Tambe na altura di Tamarijn Beach Resort polis a nota cu e lama a come e beach completo. Tabata tin algun hende cu tabata para ta filma, pero nan a wordo avisa pa miho nan keda leu for di canto di e looppad cu ta core entre e hotelnan y si nan keda eynan, esey ta riba nan propio riesgo. Fuera di esey e lama a keda inkieto na Eagle, Baranca Plat, Malmok te cu Arashi.