Den un entrevista cu directora di Censo Sra. Sharin Luydens a puntre con a bay cu e servicionan cu e MFA ( Hulpbestuurskantoornan ) ta brinda pa loke ta servicio di censo den e prome mita aña di 2018. Señora Luydens a comenta cu e servicio pa loke ta e uittreksel cu ta e papel di 5 florin ta varia na cada Hulpbestuurskantoor.
Pa loke ta e Hulpbestuurskantoor tin un cifra mas o menos.
HBK Noord por lo menos 2400 uittreksel ta keda solicita pa luna y pa aña ta den un averahe di 24 mil.
HBK Paradera por lo menos 2300 uittreksel ta keda solicita pa luna y pa aña ta den un averahe di 23 mil.
HBK Santa Cruz por lo menos 1000 uittreksel ta keda solicita pa luna y pa aña ta den un averahe di 12 mil.
HBK Savaneta por lo menos 940 uittreksel ta keda solicita pa luna y pa aña ta den averahe di 11.500.
HBK San Nicolas por lo menos 850 uittreksel ta keda solicita pa luna y pa aña ta den averahe di 10 mil.
Esaki ta duna di conoce cu tog hendenan ta bishita e hulpbestuurskantoor mas serca di dje pa asina saca e uittreksel. E Hulpbestuurskantoor mas druk pa loke ta servicio di censo ta na Noord sigui pa Paradera. Sra Luydens a duna di conoce cu loke ta Censo mes nos ta duna mas producto aparte di e uittreksel di 5 florin cu ta por lo menos 140.000 hende ta busca esaki pa aña. Sin laga afo e otro productonan cu ta suma un total di 213.000 producto pa aña. Pues esaki ta haci cu tin un total di algo di 130.000 cliente cu e oficina principal di Censo y 16.000 persona ta pidi afspraak di pastoor, id, y na LG Smith mas cu 213.000 producto pa aña di Censo apart di e 80.000 nan for di e cinco Hulpbestuurskantoor. Asina e directora di Censo Sra Luydens a duna un splicacion pa loke ta e servicionan cu censo a brinda den aña 2018.