Awe Aruba ta den su di 10 eleccion despues di Status Aparte. Un total di 12 partido participando cu mas di 170 candidato. Un poco mas cu 70 mil votado reparti riba 70 urna mas dos urna ambulante.
Por a constata cu hopi candidato a dicidi di vota den oranan tempran di mainta. Manera Ursell Arends, kende a vota na Princes Amalia School, Michael Williams na Colegio San Antonio, Booshi Wever na Brasil, igualmente diferente otro candidato.
No solamente politiconan pero tambe por a nota cu diferente urna tabatin fila largo. Hopi hende, principalmente grandi, a scoge pa vota tempran y evita e solo cayente.
Naturalmente tabatin urna cu no a logra habri pa 8’or, manera ta stipula pa ley, pa motibo cu no a caba na tempo pa pone e computernan traha pa exactamente 8’or.