Ultimo tempo por tuma nota tin un disgusto grandi den Cuerpo Policial, simannan atras den pova a tuma luga un reunion entre sindicato cu su miembronan y esaki tabata basta yen nunca antes asina y varios polis a trece nan disgusto dilanti. Ultimo tempo leiding di Cuerpo Policial ta manera un bol di hilo bruha, coleganan ta cansa con nan ta previligia cierto coleganan y hasta tapa pa algun colega cu ta haci cosnan for di man, pero ora otro haci un malo ta core castiganan y saca un KM y pone prohibicion pa drenta wardanan di Polis. Mientras algun siman atras den concierto un polis lo a maltrata un dama y ora e coleganan a bay atende cu e colega, el a pushanan y hasta insultanan cu nan rango no ta hacie nada pasobra ariba un boton di oro ta defende te final. A core duna e polis un vakantie pa tapa e situacion y na final ora leiding a sinti e cayente di coleganan y sindicato Sr Hoo a core saca un KM.
Sindicato di Polis na mas cu un ocasion a purba na reuni cu alto mando pero ta ocupa cu cierto team special riba caya y no ta dunando oido na Sindicato unda sindicato tin varios punto di preocupacion y colega nan buchi ta yenando. Sindicato tin un plan grandi pa sigui yuda coleganan y mehora e cuerpo pero ta riparando cu leiding ta trahando riba nan kier, segun bon fuente. Te hasta coleganan no por kere cu e mando actual ta esun cu prome biaha a usa articulo 2, demasiado pa complase cierto hendenan.
A ripara ora cu alto comisario no ta na Aruba, otro ta keda na su lugar pero ta manera cu machete e ta pasa den cuerpo policial hacha tur hende cu e no ta gusta pa duna otro puesto, y esaki tin e Cuerpo Policia demotiva.
Tin te hasta na un warda di Polis a entrega mas cu 5 rapport contra un colega masculino cu ningun hende no por a wanta su forma di traha pero ora e rapport a yega pariba, esakinan a somenta bay den bari pero e mes un hefenan na e warda a manda e documentonan di nobo pero a bolbe somenta y esaki tin un grupo grandi di Polis hostina. Te hasta e hefe na e warda durante reunion casi a kita su uniform como un disgusto pa demostra con malo leiding ta funcionando. Nos redaccion por a compronde via di fuentenan cu Sindicato mes ta ripara un cuerpo policial demotiva y falta di boluntad di leiding.
Mescos coleganan policial ta puntra con a para cu e rapport di un di e hefenan na Scol di Polis a haye envolvi den un accidente na Februari na Camacuri, Unda cu tur polis envolvi den accidente tin cu yama specialista di trafico pa tuma dato y mester traha un rapport amplio. Algun luna atras polis di playa a hayanan den un persecucion tras di ladron y a touch e auto cu un pion den caya y no por a para y mester a sigui tras di e ladronnan, e oficial a haya un aviso di parti di leiding. Hopi ta puntra dicon pa e chikitonan kier pasa machete y grandinan cu ta comete cosnan ta tapa. Mescos cu e tucson cu a keda kibra na Camacuri riba un troncon e impacto tabata dilanti pero den rapport a skirbi impacto patras y un gasto mas di 5 mil florin na garashi y mando policial a aproba esaki den luna di April 2019, y ningun momento a yama specialista di trafico y a sigui core cu e auto kibra.
Nos lo sigui e desaroyonan di cerca debi esaki ta e PROME PARTI y lo aserca sindicato y nan a haya meeting cu Alto Mando riba diferente punto cu tin riba mesa cu coleganan cu tin animo pa traha pa sigui hiba e cuerpo dilanti pero ta demotiva debi cu Leiding ora cu e alto comisario no t’ey un machetaso ta keda na su luga pa bula tur hende su cabes afo.