Ta di lamenta cu mayoria di edificionan na San Nicolas tin nan doño pa hopi aña y mayoria ta riba tereno eigendom. No por dicidi pa e personana aki ta den un edad caba unda cu nan ta den retirement. Ta wak cu cosnan no ta mehorando na San Nicolas. Sr. Andres Hernandez, presidente di e San Nicolas Business Association ta splica.
San Nicolas Business Association ta hayando hopi keho relaciona cu edificionan den mal estado na San Nicolas. Sinembargo, mester bisa cu San Nicolas Business Association a wordo acerca pa famianan mas jong, e generacion nobo, pero e generacion aki ta wardando ariba e reaccion di gobierno, pa nan por tambe aporta. Tin yen di idea pa negoshinan positivo, y esey Sr. Hernandez ta keda sorprendi cu cierto adultonan kier bira entrepeneur na San Nicolas y cu ta bin di e generacion di e doño di e edificionan aki.
Sr. Hernandez ta di opinion, cu si San Nicolas haya nan fiscal zone, aunke e ta wak esaki mas leu cada biaha y si gobierno promove San Nicolas un poco mas, esaki por trece cambionan fisicio den e structuranan cu ta na San Nicolas.
Manera tur caminda di mundo, e mester ta un combinacion unda cu no necesariamente gobierno ta e motor principal pero e mester ta open, sincero y e mester t’ey ora cu e tin cualkier plan positivo cu kier wordo desaroya pa e sector priva.
E fiscal ta e punto mas importante pa e movecionann cuminsa pariba, aunke e no ta bay ta e solucion cu ta bay cambia tur cos. Pero si e ta un gran parti di e cambionan inmediatio pa loke ta e sector di pariba di brug. Asina Sr. Anthony Hernandez, presidente di San Nicolas Business Association a splica.