Tocante kabelnan cu tin cu wordo pasa, DOW a informa Motta, cu ta traha segun planning. Y no ta bay cera di un dia pa otro. Nan ta afilando e proceduranan cu Motta, na un manera constante, segun director di DOW, Sr. Marlon Croes.
Croes a sigui bisa cu esaki ta pa nan por informa tur hende di esakinan. DOW kier tin por lo menos 1 siman prome, di kico ta bay sosode, pa DOW por cuminsa duna informacion di adelanta y intensifica esaki prome cu e trabou ta bay tuma luga. Esey ta critica cu nan ta haya door cu ta avisa laat.
P.e. Fermin’s Bar a wordo cera, e tabata tin un problema cual a bisanan cu e rotonde cu nan kier bay traha, e no ta bay cumpli cu e criterianan den e contract, pa cu e maneho di e ‘Omgevings Management’. P’esey Motta lo mester bay haci cambio den e tekening. E keho a bin cu DOW ta haciendo mal trabou, pero DOW ta supervisa e trabounan.
Unda cu tin posibilidad y unda cu tin motibonan valido pa duna boet, lo haci esaki manera cu a haci caba den pasado.
Pa tur cambio di ceramento di caya y habrimento bek, nan tin nan team di supervision hunto cu Motta pa supervisa cu tur cos ta na ordo pa habri e caya bek, y cer’e.
Pa loke ta control di automobilistanan, pa nan core cu cautela, nan a tuma contact cu polis, pero nan tin falta di personal, cu nan no pro haci esaki ariba un base continuo.
Por ultimo, Sr. Croes a bisa pa e pueblo sigui e pagina di Facebook di DOW pa wak e ultimo cambionan cu ta tuma luga.