Un biaha mas e organisacion di Hoodchamps cu ta di Bon Form di Hulanda dirigi pa nos hendenan local un biaha mas a sigui yuda muchanan cu ta den necesidad pa cual aki Sra. Chantelle Marta, voluntario di Stichting Hoodchamps ta splica.
E fundacion tur aña ta parti regalo na muchanan di scolnan basico y e biaha aki a toca Pius X school. Hulanda tur aña ta sponsor Stichting Hoodchamps.
Meta di Stichting Hoodchamps di tur aña ta unda cu nan ta purba di expande mas tanto y actualmente nan tin 6 scol. E biaha aki nan a duna 20 mucha regalo, cual ta haya regalo a base di nan situacion social. E ta un tiki fastioso pa e otro muchanan cu no ta haya pero nan ta purba di complace mas tanto cu muchanan den diferente sector, den deporte y na scol.
Chantelle Marta a sigui bisa cu nan tin plan pa sigui crece den e proximo añanan.
Directora di Pius X school, Sra. Sheila Tromp ta splica cu tin hopi mucha cu tin problema social na cas pa cual sigur e tipo di regalonan aki ta yuda. Hopi di nos muchanan cu no ta yega cu nan material na school. E muchana sigur ta hopi contento, na December nan ta haya regalo di pasco, cual hopi biaha nan no ta haya mes.
En principio muchanan cu ta cuminsa di eerste klas, na momento di inscripcion ya caba nan sa cu ta muchanan cu ta bay ariba lista pa haya yudansa. Ademas di Hoodchamps tin diferente otro compania y organisacionnan cu ta yuda muchanan cu tin problemanan social y esey segun Sra. Sheila Tromp, nan ta tuma esaki cu man habri.