Autoridad di salud di Honduras a declara un alerta maximo den henter e pais debi na un brote grave di dengue, acumulando mas di 16 mil caso y 10 morto confirma pa loke t’e aña, segun vocero di e secretaria di salud, Miguel Osorio a bisa diahuebs.
Desde dia prome di januari te cu e fecha, a registra 16.159 caso positivo di dengue na nivel nacional. N’e alarmante aumento aki, a dicidi implementa un serie di medida urgente pa controla e situacion y atende esunnan afecta.
Entre e accionnan tuma, ta destaca e habilitacio di sala special den nuebe hospital pa atende exclusivamente e pashentnan cu dengue.
E medida aki ta mira como necesario debi cu hopi hospital ta riba un limite di capacidad. Fuera di esey, lo contrata personal medico nobo pa reforsa e atencion den e salanan dedica aki.
Osorio a señala cu e casonan aki a bin den aumento constante cu 1762 caso nobo confirma den e siman epidemiologico 17. Dies region sanitario di e pais a presenta caso cu ta igual of ta supera 50.
E vocero tambe a subraya e importancia di e medidanan di prevencion di parti di e poblacion pa evita cu e casonan ta sigui aumenta. E autoridadnan di salud ta sigui realisa operativo di fumigacion den e zonanan mas afecta p’e brotenan.