Diasabra, pa mas of menos 5’or y 55 di atardi, Central di polis ta manda patruya riba bicicleta den Caya Betico Croes, na altura di Victoria Secret, caminda cu tres homber tabata sinta dilanti di dicho tienda. Segun e melding, e hombernan tabata haci sospechoso. Na e luga a topa cu e hombernan riba un banki dilanti di e tienda. Un di e hombernan tabata tin un identificacion y su permiso den su auto. E otro dos hombernan, SSR y DFC, naci na Colombia y ambos di 29 aña, a bay warda boluntariamente pa asina controla nan identidad. Durante control na Warda nos Costa, a bin resulta cu ambos homber tabata ilegal. Ambos sospechoso a wordo deteni a base di ley di LTU. E sospechosonan a wordo presenta dilanti di fiscal auxiliar y despues pasa pa man di Warda nos Costa.