Video: Homber a yega cas haye den problema cu bisiña pa despues herida su mes

Diadomingo pasa di 12’or marduga un homber ta yega su cas na Alto Vista pero a haye envolvi den problema cu e bisiña unda nan a agredie bente abou y menase. Di biaha patruyanan di Noord a presenta na e sitio y topa cu un homber hostina ta comenta na Polis di un situacion inhusto pasando cune unda tin personanan indocumenta ta biba den e cas.

 

E doño di cas ta cobra personanan indocumenta alrededor di 700 florin pa biba den un pida espacio, unda cu constant di bagamunderia ta pasa segun e homber ta comenta. Polis a logra haya un persona y tabata indocumenta y a bay cune warda pase over pa guarda nos costa. Rato despues polis ta bolbe presenta na e cas debi cu e homber a herida su curpa.

 

Polis ta yega haya e homber su brasa corta unda di rabia el a pasa su man door di e glas di auto. Ambulance a presenta pa asina atende cu e victima. Departamento forensico y recherche tambe a acudi na e sitio pa asina tuma datos y evidencianan di e cas con e homber a lage aden.

Comments

comments