SANTO DOMINGO, Republica Dominicana- Un Venezolano a wordo deteni na Republica Dominicana riba sospechoso di ta envolvi riba e asesinato di dos persona Hulandes aña pasa. Polis riba e isla Caribeño a informa cu nomber di e sospechoso ta Carlos José Gascon González.
Segun polis e tabata lidra un grupo criminal cu ta activo den Caribe, Suramerica y Europa. El a wordo deteni den e bario Piantini na Santo Domingo, capital di Republica Dominicana.
E dos Hulandesnan asesina tabata uno di 30 aña y uno di 40 aña. Nan curpa a wordo haya aña pasa na Juni den un fosa comun riba un plantacion di caña na El Seibo, den e parti oost di e pais. Ta ser sospecha cu ta trata di un reglamento di cuenta den e circuito criminal den e mundo di droga.
E grupo di e Venezolano deteni ta wordo sospecha di e.o. secuestro, benta di droga y labamenti di placa. Autoridadnan ta sospecha cu e dos Hulandesnan a wordo ehecuta na e sitio caminda cu a haya nan curpa, ya cu a bin haya 12 huls di bala na e sitio.
Fuente: https://www.telegraaf.nl/