Diasabra prome cu 12’or merdia alarma a keda activa pa un caso di hogamento, unda personanan a informa entre Tres Trapi pa Boca Catalina. Esaki ta momento cu personanan sinta na canto di lama a mira un homber ta drif den awa y tur hende a drenta lama pa saca e curpa, a cuminsa cu reanimacion di biaha y informa autoridad. Polisnan y ambulance a keda dirigi p’e sitio y a topa cu e caso na Boca Catalina. A saca te hasta unidad di brandweer debi cu a keda informa cu e curpa ta den lama y tin cu subi trapi pa posiblemente duna paramediconan di ambulance un man.
Unidadnan di ambulance a presenta n’e sitio y a sigui cu reanimacion y a usa e mashin pa shock e curason pero tabata invano. No por a haci mucho mas y a notifica pa dokter presenta n’e sitio pa constata morto di e homber di edad.
Polis a notifica slachtofferhulp pa tambe presenta pa brinda asistencia na e casa cu a keda atras. Bomberonan a duna un man pa pone e curpa riba brandkart y asina pone e curpa sin bida na halto pa dokter por constata morto y na final auto funeral a presenta.