Diaranson prome cu 2 or atardi Centro di Alarma 911 a despacha un ambulance cu urgencia pa Cadushi largo unda un homber trahando riba un cas pa descuidao a cay den un pos. E homber a cay y fractura su pia den e buraco y no tabata por a lanta, asina unidad di ambulance a solicita ayudo di bombero cu nan trapi y personal pa duna un man. Prome cu 2 or atardi un truck ta sali cu urgencia for di Post Tango pa bay duna un man na personal di ambulance. Bon coordinacion di trabou di ambos unidad a logra pone e victima riba e backboard y hise via un trapi y bay cune hospital.