AMSTERDAM, Hulanda- E homber di 31 aña cu a wordo tira mata diahuebs door di polis cerca di De Nederlandsche Bank na Amsterdam, tabata tin un arma di co’i hunga cun’e. Kisas e homber tabata kier a comete suidicio door di un bala di polis.
Según polis, nan no por a distingui e arma di co’i hunga for di uno di verdad. E homber a bay den direccion di e polisnan cu e arma (di co’i hunga) den su man pa cual nan a tir’e mata. E homebr a muri na e sitio door di heridanan ricibi.
Bala di Polis
Segun Rijksrecherche probablemente e homber tabata kier a wordo mata door di un bala di polis, cual ta conoci como ‘suicide by cop’. Ken e homber ta of si e ta conoci cerca e instancianan, polis no kier bisa ainda. Ministerio Publico entrenanto a tuma contacto cu su famia.
Den e tiroteo un ciclista a wordo herida na su pia. E ciclista a wordo transporta pa hospital. Según un vocero di DNB e caso mas bien no tin nada di haber cu e banco.
Na 2004, tambe dilanti di DNB, polisnan a tira un hoben Aleman mata despues di cu e hoben a tira ariba e agentenan. E tempo ey tambe polis a papia di “suicide by cop”.