Vocero Policial ta confirma cu diabierna pa mas o menos 11:30 anochi central di Polis ta haya un yamada di centro di alarma cu un hende homber lo a yega Hospital cu un tiro den pecho. Di biaha ta manda patruyanan na e sitio debi cu cos por escala ora famianan yega. Recherche, departamento forensico y personal di slachtofferhulp a yega na e sitio. Autoridad a bay na e cas na Rooi Bosal unda e tiramento a sucede. Pa 12:23 marduga Dr. Hiwat a constata morto di e homber E.R.T naci na 20 November 1986. Recherche a cuminsa haci investigacion di biaha pa saca afo kico exactamente por a pasa. A presenta na Rooi Bosal unda e victima a keda tira. Fiscal a laga tuma e curpa den beslag e caso aki ta bou di investigacion. Palabra di profundo condolencia na famia di e fayecido.