Dialuna anochi habitatenan di San Barbola a informa autoridad di un homber jong cu un tas den su poder a presenta na nan cas y ofrecenan si nan kier cumpra un arma di candela. Segun e habitante a declara na polis a mira dos arma di candela y e sospechoso a cana bay nort. Patruya a presena n’e cas y combersa cu e habitantenan.
Patruya a tene un buskeda rond den e area y por a sospecha den ki direccion e sospechoso por a bay y a topa cu e homber otro banda di caminda di Shiribana na e cas conoci y a bay riba dje cu cautela. A pone e homber man na halto pa asina listre cu cautela debi cu e tabatin e tas den su poder y a tuma esaki den beslag di biaha y na warda di Polis notifica departamento tecnico di e caso serio aki.
Polisnan a bay den e cas na Shiribana cu tabata habri y conoci pa autoridad y wak si por tin e otro arma cu ta ser papia di dje den e cas scondi ya cu e homber lo a ofrece dos arma di candela y un so a keda haya. E homber a keda deteni y transporta pa warda, unda eynan hunto cu sub fiscal lo interoga e sospechoso relaciona cu e arma di candela.