Diahuebs, pa mas of menos 2’or y 17 di marduga, un cabayero a presenta na warda y a declara cu e tabata canando direccion nort bayendo e bushalte na altura di Taco Bell, ora cu na altura di Diromi’s un auto a para mey mey di caminda, biniendo for di nort. For di e auto tres homber a sali afo, a gare di patras, bente abao y a dal’e na su custia drechi. Despues un di e personanan a coy su telefon, a drenta e auto y a core bay direccion zuid, direccion San Nicolas.
E victima a reconoce e auto di marca Nissan modelo Sentra B-14, color berde. Tur tres persona tabata tin pechi bisti. Uno tabata largo y e otro dosnan tabata di un estatura di mas of menos 1.70. Nan a bay cu su Samsung Galaxy 4, color preto.