MADRID, Spaña – Un tata a wordo retira for di e empresa cu e tabata traha pe, despues di a pidi varios dia liber pa somete su mes na un intervencion kirurgico caminda el a dona parti di su higra na su yiu muhe, cual bida tabata depende di e operacion aki.
E Asociacion Spaño Ayuda a Niños cu enfermedadnan hepatico y transplantadonan hepatico, a denuncia e caso na e plataforma Change.org. Unda cu nan ta pidi un cambio legislativo pa evita cu tipo di situacionnan laboral asina tuma luga. E iniciativa a wordo firma ya pa mas di 260 mil persona na momento di publica e noticia aki, segun Antena 3.
“Asina bo por dedica miho na cuida bo yiu muhe”
“Mi ta donante bibo di organo. E bida di mi yiu muhe ta depende cu mi a dona parti di mi higra. Asina mi a pidi algun dia liber y otro di vakantie pa por desplasa mi mes na Madrid y somete na e operacion. Despues di un siman di e intervencion, mi a wordo yama pa e director di Recursonan Humano y nan a kitami for di trabao. Loke mas a duel mi tabata su palabranan: “Asina bo por dedica miho na cuida bo yiu muhe.” Esaki ta e relato di e tata cu a wordo kita riba loke el a experencia.
E Asociacion Spaño di Ayuda a Niños cu enfermedadnan hepatico ta pidi pa tipo di casonan asina wordo considera como bahanan laboral, ya cu actualmente tin e caracter di operacionnan boluntario y por lo tanto, ley no ta penalisa empresa di personanan cu ta dicidi di ta donantenan bibo di organo.
Fuente: http://www.elplural.com