SANTA PAULA, California – Un homber a wordo aresta diadomingo, despues cu supuestamente, el a cende un persona na candela mientras cu e tabata wardando un bus den e ciudad di Santa Paula.
E incidente a sosode rond di 6’or y 50 di atardi diasabra, e Departamento di bombero di Santa Paula, Ciudad nort di California, a informa.
E investigadonan a determina cu e victima tabata drumi riba un banki, ora cu e sospechoso a golpi’e, a basha un substancia inflamabel riba dje y a cend’e na candela. E victima, un homber ainda no identifica, a sufri kemadura den 50 porciento di su curpa y ta den estado critico, autoridadnan a bisa.
Oranan mas despues, Jorge Chavez, di 35 aña, a wordo aresta pa Polis di Santa Paula den relacion cu e crimen. E homber a wordo describi como un ambulante. Chavez a wordo acusa diadomingo di intento di asesinato, genera caos, asalto cu un substancia kimico caustico, causando dañonan grave corporal na un persona.
No ta cla si e dos hombernan tabata conoce otro, ni a determina un motibo pa e incidente violento.
Fuente: https://laopinion.com/