E cabayero yama G. a presenta na warda di polis y a desea di pidi e doño di e cachonan cu a atake paga pa e daño cometi. Central a manda patruya na Monserat, caminda cu a papia cu G. na e sitio y a declara cu pa 1’or di mainta diasabra, el a cana di Hyatt Casino pa su cas na Monserat. Na caminda pa cas, na altura di un adres na Palm Beach, G. a declara cu 3 cacho a atak’e. G. a sigui splica cu el a tira un piedra riba nan pa despues e core bay. Ora cu G. a core, el a slip y a cay riba su brasa. G. a haya dolor na brasa y schouder. El a sigui splica cu el a yama un taxi pa asina hib’e eerste hulp pa ricibi tratamento medico. Despues di e declaracion, patruya a bay na e adres na Palm Beach, caminda cu nan a papia cu un dama, kende ta propietario di e cacho cu a ataca G. E señora a yama su casa JK y pone na altura. JK lo paga pa e daño haci na G.
- Latest
