Diaranson anochi, Central ta dirigi patruya na e compleho di mashinnan di ATM di Aruba Bank na Paradera pa ladronicia di un auto. Eynan nan a wordo acerca pa e homber OS, kende a declara cu e tabata hunto cu un empleado di dje ta bebe na un bar na Paradera.
Dado momento nan a dicidi pa bay cas. OS mester a duna su empleado un lift pa cas.
E tabata drumi riba e sienta di pasahero. Prome cu OS a hib’e cas, el a pasa un rato na un mashin di ATM na Paradera pa e bay lanta placa. OS a baha for di e su auto y a cana bay na un mashin. Ora cu e tabata bezig, el a wak su auto (un BMW modelo X6, color di oro), ta core bay. OS a declara cu e mester a coy un taxi pa e bay cas di su empleado pa asina busca su auto. Si e no a haya su auto of si e auto lo mester a haya, OS lo a bay mainta warda di polis y duna keho. Central a wordo poni na altura.