WASHINGTON, D.C, Merca- Un homber a fayece ora cu el a tira su mes diasabra cerca di e cura bandi noord di Cas Blanco, segun Secret Service a informa.
Presidente Donald Trump y e prome dama Melanie Trump tabata na Florida na e momentonan ey y e personal di White House a indica cu e mandatario a wordo informa riba e incidente aki.
Autoridadnan a purba di notifica e famianan di fayecido, di e sucedido. Nomber di victima no a wordo revela.
Na nomber di Secret Service, Mason F. Brayman a bisa cu e homber a yega cerca di e ccura algo prome cu merdia y el a realisa varios tiro cu’n pistool. Brayman a agrega cu segun ta parce, niun di e tironan tabata dirigi ariba Cas Blanco.
Miembronan di Secret Service a establece un perimeter rond di e terno di Cas Blanco diasabra atardi, limitando acceso y cambiando e ruta di e turistanan, mientras cu e investigacion ta sigui su curso.