Bogota, COLOMBIA- Julio Alberto Reyes, cu antecedentenan pa homicidio a drenta den un local comercial y a tira na varios ocasion contra di Claudia Johana Rodriquez. Despues e ta tum’e como rehen y a keda den e luga cera pa mas o menos 2 ora.
E comandante di e Polis Metropolitano di Bogota a informa cu e despues di a agota tur protocol di negociacion, nan a bay over na intervencion. E homber, di 42 aña a muri den enfrentamento cu polis.
“E homber no ta bay di acuerdo pa personal di rescate drenta y duna asistencia. Nos tabata tin como meta principal duna atencion medico na e persona cu a wordo herida na comienso. Pero despues di a uza tur posibel protocol di negociacion ta tuma e decision di interveni”, segun e general.
Pero, na momento cu autoridadnan ta yega na e sitio, e muhe di 40 aña ya no tabata na bida mas. E comandante di Polis Metropolitano di Bogota a indica tambe cu e homber tin antecedentenan pa homicidio, un un caso cu a sosode na 2006 unda cu ela paga un condena di algun luna, pero argumentando situacion medicio di trastorno mental el a wordo laga den libertad.
E pareha, segun informenan, tin un yiu hunto. E agente policial a indica cu e victima tabata tin un medida di proteccion na su cas, pero e persona aki a yega na su trabao.
E centro comercial Santafe a informa cu durante e hecho aki, e protocol di comando di incidente a wordo activa y e luga a wordo evacua.