SEATTLE, Merca- Na Seattle un homber cu’n arma a tira ariba varios vehiculo, a purba huy den un auto horta y el a boks prome cu el a wordo aresta, den un hecho di violencia cu a laga al menos dos persona morto y dos herida di gravedad, polis a informa.
E incidente a tuma luga den un bario noordoost di Seattle durante e ora mas druk di atardi, ora cu e sospechoso a yega cerca di un chauffeur na un crusada y a tira ariba dje, pa despues tira ariba un bus,.
E chauffeur di bus a wordo herida door di dos tiro, pero el a logra bira e auto y aleha di e agresor, polis a señala. E sospechoso a acerca un di dos auto y ta mata e chauffeur.
Ora cu polis a yega na e escena, e agresor a subi e auto di e homber cu el a mata y a aleha di e sitio cu’n speed halto. Pero despues dal contra di otro auto, matando e otro chauffeur. Polis a detene despues di un enfrentamento breve.
E sospechoso, cu no a wordo identifica, el a wordo hiba pa un hospital local, unda cu e ta bou di custodia policial, mientras e ta ricibi tratamento.
E victimanan tampoco a wordo identifica di biaha, pero polis a bisa cu e dos chauffeurnan tabata homber.
E chauffeur di e bus a wordo herida den su pecho, pero e tabata por a cana te yega ariba e brancard pa despues wordo transporta pa hospital.
Autoridadnan no a ofrece un splicacion di biaha di loke por tabata e causa di e tiramento ni tampoco a revela e arma uza den e atake.