MIAMI, Florida – Un homber di Florida a mantene den un freezer, e curpa di su casa pa cobra durante ocho aña e beneficionan federal di dje, te ora cu e mes a muri na 2010, medionan local a informa awe. Allan Dunna a recolecta mas di 92 mil dollar di e Seguro Social di su casa Margaret, kende a fayece na 2002, den e residencia cu ambos tabata comparti na Sun City, den e condado di Hillborough, na e costa west di Florida, Canal 8 di NBC a publica. E herederonan di Allan, sin embargo, mester a paga bek recientemente mas di 15 mil dollar na e Gobierno federal tras di a bende e propiedadndn di Dunn y paga e debenan. E oficina di e Fiscal di Merca a bisa cu Dunn a oculta e morto di su casa poniendo su curpa den un freezer na su cas. Despues di su morto, autoridadnan a descubri cu su casa a muri ya ocho aña prome. E herederonan,kendenan no tabata sa cu el a sconde e morto di Margaret, a renuncia na nan derecho di hereda e condominio y a pone na benta. Despues di a paga e belastingnan atrasa, e costonan di e benta y e cantidad cu a debe na e asociación di e condominium, a keda mas of menos un 15 mil dollar, cual nan mester a paga na e Seguro Social E medio local no a precisa si nan conoce e causanan di e morto di Margaret. Fuente: www.telemundo.com