Homber ta sufri di insuficiencia renal door di tuma demasiado vitamina D

ONTARIO, Canada- Un homber Canades, di 54 aña a daña su curpa debi cu el a guli 8 pa 12 gota diario di vitamina D durante dos aña y mei, ariba conseho di su naturopata. Esaki a wordo publica door di varios dokter den e revista specialisa CMAJ.
E dosis aki, mucho mas halto di e cantidadnan recomendabel. Door di esaki e mester haya tratamento pa sanger di e pashent aki bay bek na su normalidad. Pero su organonan nunca lo recupera ya cu e ta sufri di un malesa renal (di riñon) cronico.
E toxicidad di e vitamina D ta un condicion raro y potencialmente grave cu por ta consecuencia di un dosis exagera di suplemento, no un dieet malo of exposicion excesivo na rayonan di solo. Pero e ultimo aki si por ta un factor den e caso aki, cual por ta un di e causanan di e problema.
E pashent a cuminsa sinti su mes malo despues di cu el a bin bek for di vakantie na Asia, unda cu el a keda den solo mas di ocho ora pa dia. E situacion aki pone su nivelnan di creatinina bay halto di 100 pa 132μmol/l.
Na comienso, dokternan a calcula cu e homber tabata sufri di calor y deshidratacion, pero e situacion a cambia ora cu den otro analisis a sali cu e tabata tin 376 μmol/l di creatinina y el a wordo manda pa un specialista di riñon.

Comments

comments