Diabierna marduga ya caba birando mainta trempan central di polis ta haya un yamada di un dama bisando cu su ex guy a persiguie cu auto y pone accidenta riba e caminda di Morgenster pa Cumana net banda di Bon Dia Supermarket.
Di biaha central ta dirigi patruya di Playa y di St.Cruz na e sitio. Na yegada di e unidadnan nan ta constata cu e Honda Accord shinishi maneha pa e dama tawata biniendo di abow y su tras e auto Suzuki Swift shinishi maneha pa e ex guy tawata persigie y dado momento e Swift lo a touch e Honda Accord pone perde control y bay dal fuerte den un pilar y cura di cas pa despues sigi spin.
E ex guy a baha for di auto y cuminsa agredi e dama tambe. E dama a keda ressenti pero no tawata kier ayudo di ambulance. Polis a tuma ambos auto den beslag e Honda Accord paso e no tin ningun papel na ordo y tambe e Suzuki Swift pa mas investigacion.
Polis a detene e ex guy G.C. pa intento di asesinato y tambe maltrato. Mester remarca cu ya ta casi 3 aña cu e relacion aki a termina y e ex guy G.C. tin hasta otro chick pero asina mes G.C. ta stalk e ex aki tur dia ta drumi den auto pafo di su cas warde sali of pa wak cu ken e ta sali. Tin ora e guy sa bay agredi of insulta e mama di e ex chick. Polis tin atencion pe caso y lo bai investiga.