ANTWERPEN, Belgica – Un homber di 27 aña a keda 7 ora sinta malo parti patras di un tram na Antwerpen, mientras cu e otro pasaheronan durante e corida, tabata pensa cu e tabata na soño. Segun medionan Belga, diabierna, por a mira con e homber ta drenta den e tram via imagennan di siguridad y den un postura cu nan a asumi cu el a cay den un soño profundo.
Un rato despues di 3’or di atardi, un pasahero a nota cu tin algo robes, pasobra e homber tabata tin un color peculiar. E conductor di tram a alarma autoridad, sinembargo personal di brandweer den un truck, cu porcierto tabata core tras di e tram, a intercepta di biaha. Despues cu el a wordo reanima, e homber a wordo hiba hospital.
Fuente: www.anp.nl