ASTANA, Kazachstan- Un residente di Astana a salba e bida di un mucha cu a cay for di un bentana di un apartment den e di dies piso di un edificio residencial. Esaki a wordo informa door di medionan local.
E incidente a tuma luga dialuna. E menor, di shete aña mas o menos, a keda su so na cas. Y ora e tabata kier a sali el a descubri cu e porta tabata cera. E ora el a kibra e mosketero di e bentana y el a perde balans, pa cual el a cay y keda colga di e rand di bentana.
Un bisiña cu tabata biba den un piso mas abao, a bay para na e bentana ora cu e tabata scucha grito ta bin for di pafo. Ora el a yega cerca, el a wak e mucha ta colgando di bentana. El a logra gara e mucha den pleno caida y hib’e paden di su cas.
“Mi a sali pa e balcon, mi tabata skucha gritonan cu tabata bin for di caya. Ora mi a wak pafo, bira mi cara wak ariba, mi a wak e mucha tabata biniendo abao y mi a gar’e”, Artiom Kárev a comenta.