BRUSELAS, Belgica- E homber presuntamente a caba cu su bida den un zona deportivo di Stembert na Verviers, sin presencia di personanan cerca.
Un homber a suicida su mes door di explota un faha cu explosivonan mei mei di un veld di futbol na Belgica, segun informenan di medionan local. E incidente a tuma luga diamars den e ciudad di Stembert en Verviers, oost di e pais, sin presencia cercano di otro personanan.
“Polis a ricibi un yamada di un persona cu a bisa di a wak un homber rementa su mes riba un veld di bala”, Ministerio Publico cita pa RTL, calculando cu explosion a tuma luga “entre 08:30 y 09:00 di mainta” (hora local).
Autoridadnan a bisa cu e homber, di rasgonan Europeo y aparentemente di entre 50 y 60 aña, a muri debi na e explosion, pero niun otro persona a fayece ni tampoco a resulta herida. El a agrega cu rond di e luga di sucedido a establece un perimeter pa sigui cu e investigacion.