Un hombre di 50 aña, kende a keda pega den un schoorsteen di mas cu 90 meter halto na Carlisle, a wordo confirma morto, asina polis a duna di conoce durante un conferencia di prensa. “Paramediconan a declara e homber, di alrededor di 50 aña, morto banda di 4.45 di atardi ora local”, asina a wordo anuncia. “Polis a confirma cu e homber kenda a keda pega na halto den e schoorsteen di Dixon na Carlisle y cu despues el a recupera durante un operacion, pero despues a keda confirma morto”. asina a wordo bisa. E operacion di rescate cu tabata hopi complica a conta cu hopi agente policial y teamnan di rescate. E imagennan riba rednan social tabata mustra e homber cu su pecho sunu y colga di su pianan. No ta conoci con e homber a keda pega den e parti ariba di e schoortsteen cu ta forma parti di un fabrica antiguo di catuna data di siglo XIX. “A haci uso di helicopter pa purba di rescata e homber y tambe a haci esfuerzonan pa trata di baha un team di rescate tecnico den e schoorsteen”, asina polis a informa. Por a scucha gritonan y yoramento saliendo for di e schoorsteen prome cu polis por a yega eynan.