BOMBAY, India- Un homber di 32 aña a muri den un hospital di e ciudad Indio di Bombay despues di a wordo “guli” pa un mashin di MRI.
Diasabra ultimo, Rajesh Maru tabata di bishita na e centro di salud, unda cu e mama di su swa tabata interna, recuperando di un griep.
E homber a drenta den e camber unda e mashin tabata ta cu’n tubo metalico di oxigeno.
E potente campo magnetico cu esaki a genera a guli Maru y su man a keda pega entre e cilinder y e mashin.
Aunke e personal di e hospital por a salb’e rapidamente y hib’e pa un sala di emergencia, e homber a fayece un rato despues.
Un di hipotesis cu autoridadnan ta mantene ta cu su man lo a habri e valve di e cilinder y un cantidad excesivo di oxigeno a drenta den su curpa.
Un dokter y dos verpleegster a wordo deteni, incluyendo esun cu a bisa cu e mashin ta paga. Segun informenan, e homber Maru a drenta cu e cilinder den e camber di MRI despues cu el a wordo sigura cu e mashin di MRI tabata paga.
Autopsia a revela cu e homber a muri di neumotorax, cu a provoca un colapso pulmonar.
Famianan a demanda e hospital y nan a ricibi algo mas di 7 mil dollar como compensacion.
Fuente: http://www.bbc.com