CANBERRA, Australia – Un homber amenasa di decapita yiu muhe di su partner cu un spada, prome cu polis a uza un taser y pepperspray riba dje, durante un razzia na Canberra, corte a nota.
Di acuerdo cu documentonan entrega na Corte di Magistrado diasabra mainta, oficialnan a wordo yama na cas di e pareha den e suburbio di Tuggeranong di Wanniassa pa 1’or y mey di marduga.
Durante e incidente e homber a acerca su partner cu un spada y a bis’e cu e lo cuminsa ‘corta cos.’
Specificamente el a menasa pa decapita tanto e yiu muhe di cinco aña y su mama.
E muhe di 28 aña a bisa cu e homber a zwaai su arma y a chop pida di e banki den cushina.
Polis a bisa cu e homber a confronta nan ora cu nan a yega, pero a bay bek paden, a cera e porta dilanti na lock y a ignora ordo pa habri esaki.
Oficialnan a scucha y muchanan ta grita y a uza un herment special pa kibra e porta.
Nan por a hole e aroma fuerte di gasolin y a haya e muhe, su yiu muhe y supuestamente dos yiu muhe di e sospechoso, edad di tres y shete, den “un estado di miedo.”
Cinco minuut despues cu a yega e cas, polis a haya e homber scondi bao di un cama. Oficialnan a uza taser riba dje, ora cu violentamente el a resisti e aresto y a uza pepperspray ora cu nan a struggle cu ne pa hink’e den van di polis.
E muhe a conta polis c e homber a cuminsa grita ora cu amigonan bandona nan cas. Durante e incidente e homber a pusha su partner contra muraya y e por a scapa solamente ora cu el a dun’e un cabesaso.
“Tur cos ta mentira,” e acusado ta bisa.
E muhe a bay bek den camber ora cu e muchanan a cuminsa tosa debi na e holo fuerte di gasolin.
“Mi ta bay cuminsa mata,” e homber a bisa mientras cu e tabata tin un container di gasolin wanta. E muhe a text un hende homber, kende a identifica su mes como su prometido, pa yama polis.
E acusado a cuminsa yora den corte mientras cu nan a nenga di lage liber bao di fiansa.
Mientras cu security tabata sak’e afo el a bisa: “Pero tur cos ta un engaño.”
Fiscal a bisa corte cu e pareha tabata hunto pa un luna y a bay biba hunto dos siman pasa.
Fuente: http://www.abc.net.au