Patruya ta wordo manda pa un adres na Calabas, pa un caso di destruccion. Na nan yegada polisnan ta papia cu e homber W., cu a declara cu un homber desconoci pe a drenta su luga pa haci compras. E homber en cuestion tabata bisti cu’n tshirt colo oraño di marca Adidas, bermuda short, cabey krul. E tabata tin un bril di solo bisti y tabata pia abao.
Ora cu el a bin na caha pa paga, e tabata tin un sker y un bebida den su posesion. El a cuminsa insulta W. sin motibo y tabata dal’e na su schouder. W. a keda trankil pero a pidi e homber pa stop cu esaki. Esaki a pone e desconoci bira mas razo. El a punta e sker den direccion di W na mas di un ocasion. W tabata para mas leu, pa cual e sker no a mishi cun’e. El a dirigi algun palabra di menasa den direccion di W y a cana bay. Pero prome cu el a bay dor di e luga el a kibra e porta di entrada. Pafo di e supermercado tabata tin testigo. Denuncia a wordo entrega y e caso ta bou investigacion.