Padrastro di Almendra, un mucha muhe di 3 aña, cu a muri dia 11 di juli ultimo den e comunidad di La Florida na Santiago, Chile, a confesa di a mat’e. El a splica su motibonan pa cual el a comete e crimen.
Sebastián Balbontin a admiti cu el a maltrata e yiu di su pareha durante al menos tres luna y a sigura cu el a caba cu bida di e criatura pa motibo cu “e tabata sinti jaloezie di dje” ya cu “e mucha tabata un mucho sano”, cual tabata un diferencia di su mesun yiu.
E asesino a duna detayenan cu el a hiba Almendra baño, y despues di cu e mucha a orina, el a abusa sexualmente di dje, y a hinca su cabes tres biaha bou di awa.
Na e momento ey, e menor a bolbe orina, cual a aumenta e “rabia” di su padrastro. El a golpia e mucha den pecho y stoma durante 15 minuut.
E victima a fayece poco despues di a sufri e agresion brutalnan aki. Di otro banda, Balbontin ta den detencion preventivo, acusa di asesinato premedita y abuso sexual.
Durante 2018 tabata tin casonan similar na Chile: na januari, un homber na Los Lagos a mata yiu di su pareha, cual despues a bin resulta su yiu biologico. E criatura tabata tin 23 luna.