CARACAS, Venezuela – Un obsesion amoroso no ta corespondi, alcohol y un desprecio absoluto pa bida di tres inocente, tabata e ingredientenan di e cocktail mortal cu a haci cu un homber basha gasolin y cende camber unda cu un muhe y tres mucha tabata drumi na candela na Caucagua, municipio Acevedo di e estado Miranda.
E hecho cu a culmina cu fayecimento tres mucha, como consecuencia di e kemaduranan grave a cuminsa varios luna pasa den e poblacion di Merecure den e barlovento Mirandino, ora cu Emilio Lugo (60), a cuminsa na pretende Yuliana Clemente, nieta di su pareha.
Clemente a relata cu e tabata traha pa Lugo, haciendo e cas limpi y durante e lunanan ey a evadi e intencionnan, pensando cu e homber lo stop den su intento cu tempo, asina ta cu durante varios luna el a mantene e pretensionnan di Lugo.
“Mi wela tempo e tabata bebe, e tabata bisami cosnan, ami semper a trat’e cu respet na e meneer eynan, pero nunca mi por a lage, pasobra mi wela semper tabata proteh’e.”
Diadomingo ultimo, den oranan di mainta, Lugo a haci e hoben un ragalo: un paar di sapato, kisas sperando cu esey por cumpra e amor di e mucha muhe, pero un biaha mas a rechas’e y a debolbe e obsekio.
Prome cu e desplante nobo, e homber a cuminsa tuma alcohol na porta di e vivienda di Yuliana, di loke e muhe a opta pa bay na un parke hunto cu tres yiunan, Abraham Moises Clemente Perez (6), Aaron Jose Salazar Clemente (3) y Arantza Saray Salazar Clemente (2). Eynan el a reuni cu un grupo di amistad cu kende el a comparti e resto di dia.
Pa 9’or di anochi. Yuliana a bay bek cas y mientras cu e tabata duna e muchanan di come, tabata compaña pa un amigo, na e momento a tuma luga un discusion entre e homber cu tabata compañ’e y Lugo, pelea cu despues a sigui den agrecion cu arma blanco y caminda cu e anciano a resulta herida, di cual ambos homber a wordo wanta pa autoridadnan. A traslada Lugo pa un centro di salud, unda cu el a haya varios stitch, mientras cu e otro homber, a wordo deteni pa efectivonan policial.
Despues cu e discusion a caba y tur cos tabata parce den calma, e muhe y su yiunan a bay drumi pa wak television, e muchanan a keda cansa poco despues, mientras cu e mama a keda lanta.
Yuliana, cu dolornan pa e kemadura cu e tabata tin na su lomba, horea y heup, ta corda cu mey anochi el a dispone pa paga e television, ora cu el a scucha un hende core tras di su cas, caminda cu el a habri e bentana pa mira kico ta pasa. Mey mey di e anochi e por a distingui Emilio Lugo coriendo cu algo den man. E suheto di biaha a manda un tobo di gasolin den e bentana cu a hay’e den cara, atake cu a haci cu el a hala atras casi ciego pasobra e combustibel a cay den su wowonan. E volatil likido ademas a muha e muchanan kendenan tabata drumi riba cama banda di e bentana.
Den cuestion di seconde, e tipo a sende e combustibel y a huy di e luga.
Ante e fierno cu a desata e mama desespera a purba di rescata su yiunan y a cumisna kima, cual el a pidi auxilio. Bisiñanan cu a scucha a acerca, a kibra e porta y a paga e candela.
E asesino no por aleha hopi di e luga di crimen. Un multitud a hay’e, tabata casi pa mat’e cu golpi, pero el a wordo rescata y deteni pa comisionnan di Polis Municipal di Acevedo.
Yuliana por a scapa Arantza y a pone riba vloer pa purba di rescata e mucha hombernan, kendenan a wordo saca for di e camber na candela pa e bisiñanan, kendenan despues a traslata e famia kima pa e hospital di Caucagua, unda nan no por a wordo atendi, pasobra no tabata tin remedi. Nan a bay na e hospital di e Instituto Venezolano di Seguronan Social di Guarenas. Eynan nan a purba di haci algun cura y a remiti na e sala di esnan kima di e hospital ‘Domingo Luciani. Pero na caminda Arantza, esun mas chikito di e tres muchanan.
E muchanan sobreviviente a wordo ingresa den e hospital di El Llanito dialuna madruga. Abraham a muri den transcurso di mainta y Aaron den oranan di anochi di dialuna.
E hoben a purba di bay su cas e mesun dialuna pa busca algo di paña, pero su wela, e amante di Emilio Lugo, a cor’e. “Pakico bo ta bin, ya bo yiunan ta morto, pa bo culpa mi a perde mi cas y mi casa,” el a bis’e prome cu el a pidi’e pa e bay.
Diamars Yuliana a cumpli 26 aña, aniversario cual el a ricibi den e gantgnan di e Medicatura Forense di Bello Monte, buscando cadaver di su tres yiunan.
Fuente: El Universal