Diaranson atardi rib’e caminda di Pos Chikito a sosode un accidente basta fuerte unda un chauffeur coriendo iresponsabel cu un chevrolet van a dal den banda di un toyota corolla.
E dama tra’i stuur di e corolla a spanta ora a mira con loco e chauffeur ta core y e impacto tabata fuerte unda glas a bula cay paden y corta un señora sinta patras. Despues di e impacto e homber tra’i stuur a baha na awa na pia lagando hende herida y e van atras.
Polisnan a presenta di biaha pa tuma dato, ambulance a presenta y paramedico a brinda asistencia medico. E doño di e van a presenta y a splica polis cu e van a keda horta no mucho leu y a haci denuncia di biaha y polis a tuma e van den beslag.