Personal di PAAZ ta yama warda di Shaba diaranson 3’or y 16 di mainta, y a pone nan na altura cu un pashent di PAAZ yama PR a huy. Di biaha polis di Noord a bay PAAZ pa asina ricibi informacion y descripcion di e pashent. Na caminda polis a mira un homber ta cana pabao di Azure Condominiums y a supone cu ta trata aki di e homber. A acerca dicho homber, kende a tuma un posicion agresivo y defensivo y a grita cu e no ta bolbe bek PAAZ. Polis a puntr’e pa su nomber y el a declara cu e yama PR. El a wordo acerca cu calmo door di polis, di manera cu el a bira cooperativo y a bay cu polis bek na PAAZ.