ST. EUSTATIUS- Un homber di 57 aña a muri hoga diasabra mainta, despues di cu un ola grandi a bent’e abao den e area di Venus Bay, na St. Eustatius. Hunto cu’n otro cabayero, Anthony Recardo “Anto” Bunitin, naci na Corsou, tabata busca calco cerca di costa di Venus Bay rond di 4 or y 30 di mainta.
Banda di 9 or, un di e hombernan aki a yega Zeelandia cu algun corta y rasca y a informa cu su amigo y colega a cay for di e piedranan mientras cu nan tabata piki calco y su amigo a wordo lastra door di e olanan grandi.
POlis a wordo poni na altura cual a trece cun’e un operativo multidisciplinario di buskeda y rescate, conhuntamente cu e Departamento Policial di St. Eustatius, Marechaussee di Marina Hulandes, Cuerpo di Bombero di St. Eustatius, Queen Beatrix Medical Centre, Kustwacht y e departamento marino di NuStar Statia Terminal.
U piscado local cu su boto, e helicopter di Medivac y otro boluntarionan di e tienda di buceo local y otro ciudadanonan a participa den e buskeda di e persona aki den e area remote di e parti noord di e isla.
E prome ekipo di buskeda a yega Venus Bay rond di 10 or y 15 di mainta riba quardracer fia for di boluntarionan pa e operativo di buskeda y rescate. Mientras tanto, miembronan di e team costero a tuma posicion di un punto halto na costa y a detecta un obheto no identifica ta drief bou awa. Nan a dirigi e ekipo di rescate abordo di e boto piscado pa e luga.
E awa den e bahia di Venus Bay, sinembargo tabata demasiado bruto y peligroso pa e boto piscado pa investiga e obheto. Capitan Woodley a manda su boto lo mas cerca posibel sin pone bida di esunnan abordo na peliger, despues di cual e buzo a drenta awa y a saca curpa sin bida.
E curpa a wordo transporta pa Charles A. Woodley Pier den Gallows Bay unda cu dokter na warda a oficialmente a declara morto di Buttin. Causa di morto tabata morto accidental. procurador general a entrega e curpa na e faminanan.
Bunitin pa algun tempo caba tabata biba na Jeems. E tabata un persona hopi keri den e comunidad y tabata forma parti di varios proyecto di construccion riba e isla.
Fuente: https://www.sxm-talks.com