TRAPPES, Francia- Un homber arma cu cuchiu diahuebs a mata su mama y su ruman muhe, como tambe herida mas persona na Trappes, cerca di Paris. E minister di Interior, Gerard Collomb, a bisa cu e homber tabata tin “problemanan psikiatrico importante” y cu polis a duna prioridad na e hipotesis di un conflicto familiar.
E homber a wordo tira mata pa autoridadnan ora cu el a sali di su cas den cual el a cera su mes, pa confronta e agentenan cu tabata rondona e vivienda, segun e agencia AFP a señala.
Collomb a bisa cu aunke cu e homber tabata registra pa vinculacion na terorismo, e ta pas mas den e perfil di un persona cu problema mental cu di un persona cu “ta responde na señalnan di organisacionnan terorista”, e agencia EFE a señala.
E minister Frances a splica cu e forsanan orden tabata analisando e telefon di e agresor y otro pertenencianan pa tin mas dato ariba motivacionan y purba resolve e conflicto den interior di e famia.