MARSEILLE, Francia – Un homber a hinca dos persona mata na e stacion di Saint-Charles, na Marseille (zuidoost di Francia) y posteriormente el a wordo abati, según forsanan di siguridad di e departamento di Bouches-du- Rhône a informa.
Segun varios testigo, cita pa medionan local, e agresor a puñala dos peaton cu un cuchiu, prome di a wordo tira mata pa e militarnan di e dispositivo antiterorista Sentinelle, cu tabata custodia e stacion.
Un di e personanan agredi a fayece mesora y e di dos a muri poco despues pa motibo di e heridanan sufri, segun e prefecto di polis di Marseille, Olivier de Mazieres, a confirma na e corant Sud-Ouest.
Forsanan di siguridad a cordona e zona tras di e posibel atentado y e minister Frances di interior, Gerard Collomb, ya a anuncia cu lo desplasa e luga di forma inmediato atrabes di un mensahe di Twitter.
Fuente: http://www.eldiario.es/