Diabierna, pa mas of menos 11’or y 46 di merdia, patruya a wordo manda door di central pa patruya pa Brazil, caminda cu un persona tabata bringa cu henter un famia. Eynan patruya a mira un homber riba acerca. E tabata completamente bao di sanger. Ora cu patruya a acerca, a constata cu e homber R. tabata tin dos corta hundo na su brasa drechi abao.
El a declara cu e tabata bebe alcohol y a bin cas. El a herida su mes na un porta di glas. Patruya a pidi Central pa manda un ambulance. Polis a laga yiu di R., verbant’e cu un pida paña. E ora a keda en espera di yegada di ambulance. Despues di a warda hopi, patruya a mira cu diripente R. a cana drenta cas hunto cu su yiu homber. Un rato despues patruya a scucha grito di un miembro di famia cu R. a drenta su auto y a sali bay. Polis a mira cu R. a drenta den un auto tras di cas. A purba di par’e, pero sin resultado. Patruya a drenta su auto y a core bay direccion cu R. a tuma, cual tabata direccion pariba, direccion Brazil y despues drenta den Weg Sero Blanco, despues sigui direccion zuid direccion Sero Preto, despues sigui direccion p’ariba. Patruya a sigui R., rustig y a duna e datonan aki na Central. Yegando na altura di Sero Preto, patruya a duna seña pa R. para. El a core drenta den cura di un cas. A base di esaki, e sospechoso a keda deteni. E tabata sangrando profusamente na su brasa drechi.
El a wordo mara cu un verband steriel y a wordo hiba Eerst Hulp San Nicolas. Despues pa 2’or y 45 el a wordo presenta na fiscal auxiliar. Mirando cu R. mester ricibi cosi na su brasa, el a wordo scucha na e sitio mes. Y despues manda cas.
Su auto a keda den mondi dilanti di un cas na Sero Preto. Su yabinan a keda cerca e comandante na warda.