Diadomingo mainta, polis a ricibi informacion cu un persona color scur bisti cu un trui blanco, tabata cana rond cu un arma di candela cerca di Panaderia Moderna. Despues cu polis a ricibi informacion for di central, nan a yama e panaderia, caminda cu a haya e informacion cu dilanti di e panaderia, tabata tin dos persona. Un di nan tabata di color cla y gordo y e otro tabata di color scur y delega cu tabata tin un trui color shinishi, preto cu blanco cu un capuchon y un short di jeans. Tambe nan a mira cu e persona aki tabata tin un arma di candela den su carson. Despues el a cana bay direccion zuid. E arma tabata un revolver color di nickel. Patruya di Playa y Flex Team a peña e vecindario, pero no a topa cu e persona aki.