MELILLA, Spaña – Un homber a hinca varios polis na e frontera di e ciudad Spaño di Melilla cu Morocco, gritando na Arabier “Ala ta grandi”, e corant “El Pais”, ta informa. E atacante ya a wordo deteni despues di a herida levemente un agente antidisturbio den e detencion.
E incidente a tuma luga rond di 7’or y 45 di mainta, hunto na e paso fronteriso di Beni Enzar, ora cu e detenido a menasa algun polis cu cuchiu di dimensionnan grandi, cu grito di e consignanan cita na Arabier.
E agresor, kende a wordo aresta pa polis antidisturbio, ta wordo identifica na e momentonan aki. Ta asumi cu su nacionalidad ta Maroki.
Horanan despues, e minister Spaño di Interior, Juan Ignacio Zoido, a publica riba su cuenta di Twitter, un video caminda cu ta aparece e momento exacto di e atake.
Fuente: https://actualidad.rt.com