DOYLESTOWN, Merca — Varios mucha muhe a wordo manda pa biba cu’n homber, kende ta wordo acusa di violacion, a bisa den Corte cu el tene relacion cu nan y cu nan tabata kere cu e tabata consider’e nan casa.
Ministerio Publico a bisa cu Lee Donald Kaplan, di 52 aña, a agredi e seis yiu muhe di un parehasexualmente, cu a wordo “regala” na dje pasobra e tabata yudanan financieramente. Kaplan ta tata di dos yiu cu el a haya cu e yiu muhe mas grandi, cu actualmente tin 19 aña. E mucha muhenan, yiunan di e pareha, kende nan edad ta varia di 9 pa 18 aña a testigua den e caso di violacion contra di Kaplan. E ta wordo acusa tambe di asalto sexual y cargonan di conspiracion.
Un mucha muhe di 15 aña a bisa cu Kaplan a cuminsa tene relacion sexual cun’e tempo cu e tabata tin 11 of ta 12 aña. El a bisa cu el a kere cu esey ta loke un pareha casa ta haci.
Un otro mucha muhe di 9 aña a declara cu Kaplan a cuminsa mishi cun’e tempo cu e tabata tin 7 aña.
“El a bisami pa no conta niun hende kico e tabata haciendo”, e mucha di 9 aña a declara.
Kaplan ta nenga e acusacionnan.
E mayornan di e muchanan, Savilla y Daniel Stoltzfus, a ricibi ayudo financiero for di Kaplan, ora cu cos a bira preta pa nan despues cu nan a bandona nan bida como Amish, segun autoridadnan. E mayornan a wordo acusa di negligencia y ta wardando nan sentencia. E mama di e muchanan a bisa cu e tabata sa kico tabata pasando, pero cu semper el a kere cu esey tabata algo bon. E no ta arepenti, ya cu nan tabata hibando un bon bida.
Segun Fiscal Kate Kohler, Kaplan a brainwash e famia, haciendo su mes pasa como un profeta, en busca di “poder, manipulacion y control”.
“Seis mucha a bira su juguetenan sexual”.
Pero abogado defensor Ryan Hyde a bisa cu Kaplan tabata casa cu e yiu mayor den bista di e famia y cu nunca el abusa di e chikitonan. El a sigui bisa cu e famia a abusa di e generosidad di Kaplan.
“El a saca nan for di scuridad cu nan tabata bibando prome cu el a conoce nan”, Hyde a bisa.
Fuente: www.yahoonews.com