Caracas, VENEZUELA- Forsanan di siguridad y opositornan a enfrenta otro den un cruce di bomnan lacrimogeno, molotov cocktail y piedra.
Un manifestante suno, unicamente cu meya y keds a cana den e awasero di gasnan lacrimogeno den e protesta di oposicion na Caracas y el a subi un tanki militar mientras e tabata grita :”No mas bomb”!
E episodio singular aki a tuma luga den e autopista Francisco Fajardo, oost di Caracas, capital di Venezuela unda forsanan di siguridad y opositornan ta enfrenta otro.
Dilanti camaranan di medionan nacional y internacional cu tabata cubri e marcha, e hoben a avansa, cu pasonan normal te ora e la yega na e barera cu e agentenan tabata forma, sorprendiendonan y el a subi cu rapides riba un vehiculo blinda cu un buki den su man. Pero polis a dun’e ordo pa e baha.
Poco despues, el a termina den e otro manifestantenan cu a wordo gespart cu bombnan di gas y balanan di rubber cu a laga e hoben cu marcanan den su lomba.
Opositornan di e gobierno di Maduro for di dia 1 di April ta organizando protestanan na Caracas y otro ciudadnan pa exigi eleccionnan general y respet pa e autonomia di Parlamento, di mayoria opositor.
E manifestacion, cu ta den su di tres siman a causa disturbionan cu a laga ya ocho persona morto, y cientos di herido y detenidonan.