Paradera: Diaranson den careda di 9’or di mainta, un homber hopi sospechoso tabata biniendo for di banda di panort di Colegio Pastoor Kranwinkel bayendo direcion rotonde Paradera. E homber su actuacion a hala hopi atencion di algun habitante cu na e momento ey tabata pafo di cas. Dilanti di varios cas e la para saca multiple potret y filma cu su celular, esaki e tabata haci sin worry cu e tabata wordo mira y graba pa camaranan di seguridad.
E la filma y a saca masha hopi potret di un garashi y un cas dilanti di e garashi, tambe te hasta di e habitantenan cu tabata pafo e momento ey. E habitantenan a nota riba e grabacion di camara di seguridad cu e persona tabata manera dunando senja cu su man links na un otro persona y cu e otro man e tabata tin su celular ta sacando potret. No ta conoci si e otro persona lo tabata den un auto of scondi un caminda.
E homber su actuacion tabata bastante sospechoso y tin e habitantenan den e area aki di Paradera toch basta preocupa, mirando cu ta trata di un bario hopi trankil.
Esaki no ta prome biaha, algun siman atras, un auto tambe a para eybanda y tambe a saca potret di garashi y di e casnan. Tres siman pasa un Hyundai Accent beige cu tres persona den dje, dos homber y un muher tambe a haci hopi sospechoso. No ta conoci si tur ta gelink cu otro y kiko ta nan intencion sacando potret y vigila e casnan aki.
E homber sospechoso tabata mustra no local, e tabata tin un baseball cap bisti, un rugtas preto. E tabata bisti cu un flanel blauw cla, jeans largo, na su heup rechts e tabata tin un tas chikito preto colga na e banda di su jeans y keds bisti.
E la sigui cana crusa e rotonde sigui bay zuid, direccion di Sero Patrishi. Si tin mas hende cu por a mira e persona aki pa sea alerto, mirando cu su intencion no ta mustra bon.
Sketch artist local a pinta profile di e homber sospechoso aki.
