Un sospechoso den kaso Hector a keda ekstraditá awe 15 di yanuari 2017 for di Estádos Unídos pa Boneiru. Hector ta e investigashon relashoná ku morto di un studiante na Saba na luna di aprel 2015. Djadumingu 15 di yanüari 2017 a entrega e hòmber S.C. di Bosnia di 31 aña di edat na funkshonarionan di KPCN. El a yega Boneiru riba un vuelo for di Atlanta (Estádos Unídos). Ta sospecha S.C. di a kousa morto di studiante di 24 aña di edat, Kavya Guda. Tambe ta sospecha e hòmber di violashon seksual, menasa I poseshon di pornografia di mucha.
A ekstraditá S.C. riba petishon di Ministerio Públiko BES. A detené S.C. dia 17 di ougùstùs 2016 riba kua dia tambe a start e proseso di ekstradishon. E ekstradishon a keda aprobá pa un wes Merikano dia 22 di Novèmber 2016. S.C. ta bai wòrdu presentá na un Wes-komisario na Boneiru. Si kontinuá ku e proseso di detenshon lo start ku skucha S.C. dor di un tim di polis ku ta enkargá ku e investigashon Hector. E tim di investigashon ta konsistí aktualmente di reshèrshe di KPCN, Polis Nashonal i Koninklijke Marechaussee.